Díli, Sesta-feira, 23 de Maio de 2025
Prezidente Asosiasaun Emprezariál das Mulheres Timor-Leste (AEMTL), Sra. Hergui Luina Fernandes Alves, hamutuk ho Membro Konsellu Ezekutivu, realiza enkontru formal ho Sua Excelência Ministro da Administração Estatal (MAE), Sr. Tomás do Rosário Cabral, iha Sala Gabinete Ministru.
Enkontru ne’e ho objetivu hodi aprezenta programa Visaun no Misaun AEMTL nian, ho enfáze ba empoderamentu maluk feto sira atu hetan independénsia ekonómika, no fó kontribuisaun forte ba dezenvolvimentu nasionál. AEMTL mós aprezenta rezultadu Baze de Dadus Feto Emprezarial Timor-Leste Tinan 2025, ne’ebé konta dadus fundamentál kona-ba situasaun feto sira iha setor emprezáriu, atu bele sai referénsia ba formulasaun polítika públika ho base evidénsia.
Iha sorumutu nee, Sua Excelência Ministru espresa apresiasaun ba inisiativa AEMTL nian no reafirma kompromisu Governu atu kontinua fó suporta efetivu ba feto sira iha vida negósiu. Ministru mós partilha programa-prioridade hosi Ministériu Administrasaun Estatal nian, no hatudu prontidaun atu dezenvolve parseria estratéjika ba tempu naruk, ho fin objetivu promove igualdade de género no inkluzaun ekonómika iha Timor-Leste.