Baucau, 01 de Maio 2025
Associação Emprezarial das Mulheres de Timor-Leste (AEMTL), tinan ne’e selebra aniversariu ba dala 17º iha municipio Baucau ho programa mak hanesan :
• Misa Agradesimentu Anivérsario AEMTL
• Inagura Salaun Vila Nova obra husi membro AEMTL Baucau
• Anunsiu Aplikasaun etapa daruak ba programa Timor-Leste Business in Women Awards
• Lansamentu Baze de Dados
Selebrasaun Aniversario ne’e halao iha Munisipio Baucau ho hanoin oinsa mak atu hatutan “ Kaderizasaun no Lideransa” husi nasional to ba maluk feto sira iha munisipio, hahu tinan ida ne’e husi munisipio Baucau , ida ne’e mak papel husi AEMTL nian.
Selebrasaun Aniversario AEMTL ba dala 17º tama ba idade jovem, no iha jornada existensia AEMTL nian atu to iha selebrasaun 17º ne’e iha desafios no barreira barak mak feto maluk sira hasoru, maibe barreira no desafios ne’e sai hanesan forsa nebe’e mak mosu hodi hametin no hadia diak liu tan luta feto nian hodi kore an husi dependensia economia.
Baucau sai hanesan Munisipio dahuluk hodi organiza evento aniversario AEMTL depois de expansaun AEMTL, apresia no parabens ba Presidenti no estrutura AEMTL Baucau , Ceremonia selebrasaun lao kapas no furak ho ambienti nebe’e mak foun husi selebrasaun ne’e. iha mos inagurasaun ba Fatin “Salaun Andi Makmur” nebe’e mak konstrui husi feto maluk membro AEMTL husi Municipio Baucau hodi bele utiliza ba Cerimonia bot ou bele mos ba Reuniaun.
Iha okaziaun ida ne’e AEMTL mos hamutuk ho IFC halo lansamento sosializasaun ba (Premio Empreendedorismo ba feto badala rua Timor-Leste Business in Women Awards 2025 nian. Hafoin suksesu ho aktividade refere iha 2024 ne’ebe patrosinio husi Sua Excia Prezidente da Repúblika, Dr. Jose Ramos Horta. Ne’ebe organiza husi Embaixada Australia , Nova Zelandia, IFC ho AEMTL nune’e hakarak adianta prosesu socializasaun atu membro sira iha Municipio no mos nasional bele prepara-an hodi partispa iha kompetisaun ida ne’e, nune’e bele kompete iha fulan Novembro 2025 tinan ida ne’e.
Molok atu taka serimónia aniversáriu, AEMTL hamutuk ho SEI lansa Baze de Dadus ne’ebe mak sai hanesan prosesu inisial ba informasaun ba públiku kona ba ezistensia no partisipasaun feto iha vida empresarial. Rezultadu base de dados ne’e bele sai fontes informasaun atu ajuda aplikasaun dados no estrategiku husi parte hotu atu involve partisipasaun iha sira nia politika no programa hanesan benefisiario ne’ebe lolos mak principal liu hodi dezenvolve feto sira nia negosiu no guarantee oportunidade ekonomia ba feto ne’ebe justo no transformativo.