Liquisa, 17 Julho 2025 – Assosiasaun Emprezaria Feto Timor-Leste (AEMTL), hanesan membru aktivu iha Rede Feto, halo lideransa iha realizasaun atividade divulgasaun rezultadu Kongresu Nasional Feto BADALA VI (NEN) iha Munisípiu Liquisa. Atividade ne’e lidera direktamente husi Sra. Jacinta Abu Cau Pereira, Vice-Presidente AEMTL ba Assuntu Empoderamentu no Fortalesimentu Institusional.
Atividade divulgasaun nian hahu ho abertura no diskursu badak husi Sra. Zelia Fernandes, Presidente Conselho Diretivu Rede Feto Timor-Leste, no reprezentante husi Sekretáriu Município Liquisa ba Assuntu Sosial, Sr. Joãojito
Divulgasaun kontinua ho kontribuisaun husi ekipa kompostu husi:
Sra. Mize, Diretora Ezekutiva Rede Feto,
Sra. Maria da Costa, reprezentante AMEPTL (Assosiasaun Mulheres Eis Parlamentar Timor-Leste),
no Sra. Jacinta A. Pereira, reprezentante AEMTL.
Área Prioridade Divulgasaun
Informasaun ne’e fó baseia ba rezultadu diskusaun temátika 8 iha Kongresu Nasional Feto BADALA VI:
1. Feto no Justisa
2. Edukasaun ho Kualidade ba Ema Hotu
3. Saúde Feto no Família
4. Feto, Ekonomia no Empregu
5. Partisipasaun Feto iha Vida Polítika no Públiku
6. Inkluzaun Sosial
7. Feto, Ambiente no Mudansa Klimátika
8. Politika Abordajen Integradu Jéneru
Talk Show Radio
Iha final, ekipa halo Talk Show iha estúdio Rádio Tokodede Liquiça atu kontinua fahe informasaun ba komunidade sira ne’ebé la hetan oportunidade atu partisipa. Talk Show moderadu husi Responsável Rádio Tokodede, no orador principais mak:
Sra. Fátima, reprezentante husi Governu (SEI)
Sra. Jacinta, nudar fasilitadora.