Dili, 1 Agostu 2025-
Presidente Associação Emprezarial das Mulheres Timor-Leste Sra. Hergui Luina F. Alves no P. I. Sra Sandra F. Alves do Rego, partisipa iha semináriu Konseptu Banku Nasional Dezenvolvimentu Timor Leste, iha salaun Auditóriu Ministériu Finansa, Ai-tarak laran, Díli.
Semináriu ne’e ho objetivu atu promove reflesaun téknika no institusionál kona-ba kriasaun no operasionalizasaun Banku Nasionál Dezenvolvimentu Timor-Leste (BNDTL), instrumentu estratéjiku ne’ebé prevee ona iha Programa IX Governu Konstitusionál, ne’ebé refere espresamente iha ninia Lei Orgánika nu’udár inisiativa estruturante bá dezenvolvimentu ekonómiku sustentável no inkluzivu iha Timor-Leste.
Primeiro-Ministro RDTL: Kay Rala Xanana Gusmão loke semináriu importante ida-ne’e kona-bá konseitu bá Banku Nasionál Dezenvolvimentu. Nia konsidera katak, Kriasaun Banku Nasionál Dezenvolvimentu hanesan pasu desizivu (ka, hakat boot ida) iha konstrusaun ekonomia ida ne’ebé forte, inkluziva no diversifikada iha Timor-Leste.