Díli, 7–8 Agustu 2025
Iha konferénsia ne’e, Presidente AEMTL, Ms. Hergui Luina Fernandes Alves, atua hanesan Panelista ho tematika “Halo Negósiu iha Timor-Leste”, hamutuk ho Moderador Mr. David Freedman (Resident Representative, World Bank Group), Ms. Pamela Jape (Managing Director, Jape Group Australia), Mr. Shane Walden (Managing Director, ANL Container Line, no Australia’s Business Champion to Timor-Leste).
Painel ida ne’e halibur lider empresárial sira ne’ebé halo operasaun iha paisajem komérsial Timor-Leste nian, ne’ebé evolui daudaun. Husi turizmu no agrikultura ba servisu no retallu, panelista sira fahe hanoin kona-ba oportunidade, risku, no realidade sira ne’ebé enfrenta bainhira halo negósiu iha Timor-Leste. Diskusaun mos aborda politika relevante, atu explora saida mak funsiona, saida mak la funsiona, no tansa mak investor sira bele hetan susesu iha tempu naruk iha merkadu emerjente foun ida ne’e iha Sudeste Aziátiku.
Alénde ne’e, Presidente AEMTL kontinua hanesan panelista daruak iha sesaun ida ho tematika “Loke Oportunidade iha Produtu Agrikultura Espesiál”, hamutuk ho Moderador Professor Brett Inder (Monash Business School), Mr. Bobby Lay (Executive Director, Timor Global), no Mr. Nur Rahman (Additional panel member, TBD).
Setór agrikultura Timor-Leste la’ós deit depende ba produtu tradisionál, maibé agora aumenta diversifikasaun ho variedade produtu agrikultura valór aas hanesan baunilha (vanilla), ahen (ginger), kunyit (turmeric), kanela (cinnamon), kafé espesiál (speciality coffee) no produtu espesiál seluk.