PRÉMIU EMPREENDEDOR FETO TIMOR-LESTE 2026
International Finance Corporation (IFC) no Associação Empresarial das Mulheres de Timor-Leste (AEMTL), iha parseria ho Governu Australia no Nova Zelândia, hetan onra atu sai uma-na’in ba Prémiu Emprendedor Feto Timor-Leste 2026 ho patrosíniu husi Prezidente Repúblika Demokrátika Timor-Leste.
Ami konvida ita-boot sira hodi prienxe formuláriu iha kraik atu nomeia indivídu ka Kompañia / Organizasaun / Inisiativa ba ‘Prémiu Emprendedor Feto Timor-Leste 2026′ne’ebé sei hala’o entrega Prémiu iha Setembru 2026 iha Dili.
📅 Períodu Nomeasaun: 04 Maio – 08 Julho 2026
Rekizitus ba Nomeasaun:
- Bele hatama nomeasaun hodi nomeia ita-boot nia an rasik ka ema seluk (ka organizasaun) ne’ebe merese hetan Pémiu Emprendedor Feto ho kandidatu nia lisensa.
- Nomeasaun sira nakloke ba indivídu sira husi nasionalidade hotu-hotu.
- Nomeadu sira (ema ne’ebé hetan nomeasaun) bele mai husi setór públiku, setór privadu, setór korporativu, asosiasaun, ka organizasaun non-governamentál.
- Negósiu ka individu sira ne’ebé asosiadu ho organizasaun sira ne’ebé lokaliza iha Timor-Leste de’it mak bele aplika ba nomeasaun.
- Nomeadu sira labele sai juri ka afiliadu ba juri iha Ekipa Komité Prémiu nian.
- Husi kategória Sanulu (10) nomeasaun bele prenxe maximu kategória 2 husi (Individual ka Instituisaun).
- Nomeasaun sira tenke esplika ho klaru tamba saida maka kandidatu merese hetan prémiu ne’ebé hili. Presiza informasaun sufisiente ne’ebé demonstra susesu ka atinzimentu kandidatu individu no korporativu sira.
- Manan-na’in sira tenke tuir Serimónia Entrega Prémiu nian iha Dili hodi simu sira-nia prémiu rasik.
- Kada individual ka organizasaun afiliadu ida-idak tenke submete formuláriu nomeasaun separadu atu bele konsidera.
- Kandidatu sira ne’ebé seleksionadu ba etapa final (shortlisted) de’it mak sei hetan kontaktu atu husu informasaun adisional.
- Manan-na’in tinan kotuk nian la hetan lisensa hodi aplika fali ba prémiu ida-ne’e.
Objetivu husi Prémiu:
• Rekoñese feto sira ne’ebé hatudu exelénsia iha sira nia kareira, negósiu, no emprendimentu emprezariál sira, enkuantu sai hanesan modelu no inspira ema seluk.
• Rekoñese no enkoraja esforsu sira husi líder setór públiku no privadu nian, no sosiedade sivíl sira ne’ebé kontribui ba promove igualdade jéneru, diversidade, governasaun di’ak, no inkluzaun finanseira.
• Rekoñese inisiativa institusionál no individuál sira ne’ebé promove no integra diversidade no inkluzaun finanseira ba feto sira liu husi projetu, polítika no prátika inovativu sira.
KATEGORIA PRÉMIU NO KRITERIA NOMEASAUN
Se ita kompleta ona formuláriu iha nomeasaun, favór submete formuláriu ba eskritóriu AEMTL iha Acait 10, Av. 30 de Agosto, Vera-Cruz, Díli ka haruka liu husi email ba. wawardstl@ifc.org.