Hasa’e kapasidade Feto Timor atu dezenvolve sira nia aktividade iha sektor privadu, fó korajen no motivasaun ba ita nia membru sira hodi hala’o servisu hamutuk no haburas kooperasaun entre membru sira, organizasaun sira seluk husi sektor privadu, kooperativa sira no mos ho Governu hanesan ita nia autoridade prinsipál ba dezenvolvimentu ekonomiku nasionál. Ami mos suporta no promove membru sira atu hetan ambiente servisu ida ne’ebé sei kontribui ba dezenvolvimentu nasionál.
Hergui Luina Fernandes Alves
Presidente
Hergui Luina Fernandes Alves hanesan prezidente ba Associação de Mulheres de Negócios de Timor-Leste (AEMTL), vise-Prezidente ba Promoção e Empresas da Câmara de Comércio e Indústria de Timor-Leste (CCI-TL) no diretora ba kompañia Nova Casa Fresca Unip. Lda. Hegui Luina dedika nia-an durante tinan sanulu resin lima (15) ba empoderamentu feto sira no foka liu ba dezempregu feto sira, ne’ebé a’as tebes. Hergui Luina nia empreza Nova Casa Fresca Lda (NCF), hahú ho grupo ki’ik ida hamutuk uma ka’in ualu (8), no ohin loron haluan tiha nia negósiu ba uma ka’in atus ida lima nulo (150), ne’ebé hamutuk 53% mesak feto deit. Tamba NCF, uma ka’in sira ne’e hetan rendimentu ida estável, liu husi prosesu kapasitasaun maluk feto sira, ne’ebé hetan independensia ekonomika. Hergui nia projetu NFC, inklui mos feto sira nia envolvimentu iha agronegósiu. Ohin loron, hanesan Prezidente AEMTL nian, Hergui dedika nia-an hodi servisu makas ho nia ekipa dinamika sira atu ukun prosesu mudansa ida iha sektor privadu Timor-Leste nian no haforsa no hakbi’it feto sira ekonomikamente. Hergui nia kontribuisaun ba empoderamentu feto sira hatudu nia ezistensia no halo rona makas nia kontribuisaun ba ekonomia nasaun nian. Lori mos atu hadia liu tan nia kareira pesoal. Hergui hanesan mos membru konfiansa husi CNAR BNCTL nian (Comissão Permanente de Nomeação, Avaliação e Remuneração), no mos hanesan membru CNT nian (Conselho Nacional do Trabalho), nune’e mos Hergui hala’o kna’ar hanesan Prezidente ba Conselho de Administração da Millenium Challenge Corporation (CA MCC-TL, IP). Aleinde NCF, Hergui sai nain ba empreza konstrusaun fornesimentu jeral, hanaran Oceania Unipessoal Lda. Empreza ne’e oferese mos kualidade servisu ba nia kliente sira, liu husi implementasaun padraun internasionál no profesionalismu iha kontestu lokál.
Jacinta Abu Cau Pereira
Vise Presidente ba Emmpoderamentu no Reforsu Institusionál
Jacinta Abu Cau Pereira mak Vise-Prezidente AEMTL nian ba Empoderamentu no Reforsu Institusionál no mos hanesan Vise-Prezidente ba Câmara de Comércio e Indústria de Timor-Leste (CCI-TL) ba Empoderamentu Ekonomiku Feto sira. Jacinta nia moris fatin iha Balibó, Timor-Leste, no halo lisensiatura iha área Siensia Sosiál no mestradu iha área Direitu, rua ne’e hotu iha UNPAZ. Jacinta hahú nia kareira hanesan Diretora orfanatu ida hanaran Lar D’O Bom Samaritano, iha Lauala-Ermera, husi tinan 2006 to’o tinan 2010. Iha tinan 2012, hetan eleisaun ba Prezidente ba Comissão “D”, ba asuntu Ekonomia no Dezenvolvimentu husi Parlamentu Nasionál Timor-Leste nian. Hafoin nia mandatu politiku, tama iha AEMTL no kontinua iha CCI-TL. Nia hanesan mos formadora pinsipál ba “Módulu Get Ahead”, hofoin konklui nia formasaun no nia misaun liu husi Programa Spotlight ba Inkluzaun no Dezenvolvimentu Empreendedorismu Feto sira, hamutuk ho AEMTL, CCI-TL no OIT internasionál. Jacinta mehi atu hasa’e nia koñesimentu kona-bá negósiu hodi hadia di’ak liu tan nesesidade finaseira asosiasaun sira, nune’e mos a nia dezenvolvimentu emprezarial rasik.
Bonciana Gorrete Monteiro
Vice-Presidente Relações Externas e Promoção de Negócio
Bonciana Gorrete Monteiro nia moris fatin iha Lospalos, Timor-Leste. Hala’o nia formasaun akademika iha UNIKA WIDYA MANDIRA UNIVERSITY, iha Kupang, ho espesializasaun iha Fakudade Direitu, no hahú nia kareira hanesan diretora ba nia empresa rasik, hanaran QRRAZ Unipessoal. Dadaun ne’e QRRAZ hanesan empreza privada ida ba área konstrusan, Eletrsidade no Fornesimentu Jeral iha Timor-Leste. Tama iha AEMTL iha 2015, no foin lalais hetan kna’ar hanesan Vise-Prezidente ba Relasaun Externa no Promosaun Negósiu sira, no iha ne’e atu promove negosiu emprezariu sira nian no atu partisipa iha reuniaun importante sira ne’ebé relasiona ho AEMTL.
Maria de Fátima Belo
Vise-Prezidente ba Agricultura no Asuntu Sociál Sira
Maria de Fátima Belo I.C.C. Belo nia moris fatin Baucau, Timor-Leste. Hahú nia kareira hanesan kompañia nain iha área konstrusaun sivil husikedas tinan 1991 to’o ohin loron, no dadaun ne’e hanesan Diretora Ezekutiva ba nia empreza rasik (Nautetu UNIP, Lda). Maria sai membru AEMTL nian iha tinan 2012. Durante nia filiasaun ba AEMTL, hetan mos nomeasaun ba vise-prezidente ba Komisaun G, Parlamentu Nasionál nian durante lejislatura 2015-2017. Hafoin nia mandatu iha Parlamentu, dedika nia esforsu tomak ba asosiasaun AEMTL no hetan, husikedas tinan 2017 to’o ohin loron, eleisaun núdar Vise-Prezidente ba sektor Agrikultura. Maria hanoin atu hadia di’ak liu tan nia jestaun emprezarial no asosiasaun nia kompetensia atu hasa’e nia influénsia iha empreza sira ne’ebé promove lokalidade iha sektor agrikultura (hanesan kultivu, sustentabilidade, peska, pekuária, nsst.).
Maria Carla Gonçalves Tilman
Vise-Prezidente ba Infraestrutura no Rekursu Naturál Sira
Moris iha tinan 1973, ho nia formasaun akadémika iha área informatika no Jestaun iha Universidade Bina Nusantara (BINUS), iha Jacarta. Hahú nia kareira iha tinan 1994, hanesan Ezekutiva Konta sira iha kompañia Ana IHA PT Rimbadana Brokerindo Jakarta, no iha tinan 1996, kontinua nia kareiratendo hanesan jestora Marketing iha Mira Furniture UBUD, Bali. Iha tinan 1999 tama iha Organizasaun Internasionál Migrasaun nan International Organization Migration (OIM) iha Jakarta. Iha tinan 1999, tama mos iha UNWFP hanesan Analista ba Prosesamentu Dadu Merkadoria sira (COMPAS). Iha tinan 2001, sai hanesan Konsultora Negósiu iha Hotel Dili em 2001, no iha tinan 2004 hari’i Arvec Group Lda. Fatima mak hesan Ema dahuluk ne’ebé simu sertifikadu investimetnu husi IADE hanesan investidora lokál. Iha tinan 2023 simu kna’ar hanesan Vise-Prezidente ba Infraestrutura no Rekursou Naturál sira husi Associação Empresarial de Mulheres de Timor-Leste (AEMTL), Prezidente husi Associação Empresarial de Construção de Mulheres de Timor-Leste (AECTL) no Vise-Prezidente Câmara de Comércio e Indústria de Timor-Leste (CCI-TL).
Ana Paula Torres Godinho
Vise-Presidente ba Turismo no Komérsiu
Ana Paula Torres Godinho, hanesan Vise-Prezidente Turismu no Komérsiu AEMTL nian. Hanesan mos diretora ba empreza TENIZILAX Unipessoal Lda ne’ebe hala’o aktividade iha área servisu limpeza, konstrusaun sivil, eletrisidade no fornesimentu jerál sira. Paula tama iha AEMTL husikedas tinan 2010 to’o ohin loron. Husi madatu ikus, nia hanesan membru sekretaria no vise-prezidente Câmara de Comércio de Timor-Leste ba organizasaun konferensia no reuniaun sira. Paula halo adezaun ba AEMTL sai hanesan satisfatoriu, liu liu tamba AEMTL oferese oportunidade ba feto sira iha área negósiu oin-oin atu implementa aktividade husi kadeia valor no suporta malu iha negósiu oin-oin. Hahú nia perkursu emprezarial iha tinan 2006, ne’ebe hahú nia foku ba empresa no familia. Hafoin envolve iha AEMTL, Paula hala’o nia negósiu no nia kna’ar iha AEMTL hatur iha prinsipiu katak ” sai henesan bain-bain wainhira ita halo ba ita nia an rasik no sai extraordinariu wainhira ita bele halo buat di’ak ba ema seluk “.
Sandra F. Alves do Rego
Vise-Prezidente na Industria Kriativa no Empreza Sosiál Sira
Sandra F. Alves do Règo husi Manatuto, Timor-Leste. Hahú nia kareira hanesan nain ba kompañia privada iha área konstrusaun sivil, husikedas tinan 2004 to’o ohin loron. Dadaun ne’e hanesan Diretora ba empreza Rafflesia Unip.Lda. Sandra sai hanesan membru AEMTL iha tinan 2008. Durante nia filiasaun hetan mos nomeasaun ba kna’ar vise-prezidente AEMTL ba mandatu 2012-2014. Hafoin mandatu ne’e, hahú ho jestaun negósiu sira no nia kapasidade ati influénsia negósiu sira, liu husi promove kriasaun lokál tais nian no fornesedor sira en jeral, nsst..
Ana Gama Lobo
Vise-Prezidente ba Sektor Tersiariu
Ana G.C. Lobo moris fatin iha Lacluta. Foti desizaun atu hala’o nia aspirasaun akademiku iha nível ensinu superior, ne’ebe hetan susesu ho grau bacharel iha tinan 2000. Iha tinan 2004, Ana Lobo loke nia empreza rasik ne’ebe foka liu ba servisu catering no restaurasaun, fornesimentu jerál no konstrusaun. Durante tinan barak, nia empreza hatudu reziliensia no kresimentu, no mantein nafatin nia prosperidade to’o ohin loron. Iha tinan 2020, Ana Lobo simu responsabilidade atu sai hanesan vise-prezidente ba komunidade katolika karismatika parokia Bekora nian, kna’ar ne’ebe nia hala’o to’o ohin loron. Iha tinan 2021, haluan nia envolvimentu wainhira simu kna’ar hanesan Koordenadora ba organizasaun Feto Katolika sira iha Parokia Bekora, kna’ar ida ne’ebé hala’o to’o ohin loron ho determinasaun. Dadaun ne’e, partisipa hanesan membru organizasaun AEMTL, liu husi kontribuisaun no esforsu ba o objetivu no iniciativa asosiasaun nian.
Leontina dos Santos Miranda
Sekretaria Koordenadora
Leontina dos Santos Miranda bo’ot iha Ermera, Timor-Leste, no halo lisensiatura iha Universidade Udayana, iha Bali, Indonésia. Durante tinan 10 hela iha Amerika hodi servisu iha industria alimentar no bebida sira. Tuir mai, fila mai Timor-Leste, ne’ebé partisipa iha dezenvolvimentu infraestrutura sira, no hari’i nia empreza rasik, hanaran Royal Timorese. Fasilita mos formasaun ba feto rurál foin sa’e hodi prepara sira nia negósiu lokál rasik relasiona ho produtu industria kazeira (Tais). Leontina sai hanesan membru AEMTL iha tinan 2010 no ohin loron hala’o kna’ar hanesan koordenadora Sekretariadu AEMTL nian. Nia mehi atu kontribui ho nia matenek no experiénsia servisu uluk nian hodi hadia kapasidade grupo nian iha negosiu futuru sira.
Aquelina Cristina da Costa Ribeiro
Tesoureira
Aquelina Cristina da Costa Ribeiro moris iha Dili, Timor-Leste. Nia mak membru fundadór ida husi AEMTL iha tinan 2008. Agora, nia mak inan ne’ebé servisu to’o barak ho oan hitu. Iha tinan 2016, Aquelina komesa nia negósiu rasik iha área servisu catering ho naran KETY NUNES CATERING & BAKERY LDA. Nia mak nain-metan mos ba Guest House ida iha Manleuana, Dili.
Frederica Rosa
I Vice Secretary
Frederica Rosa mak membru ida husi AEMTL (Associação Empresarial das Mulheres de Timor-Leste) ne’ebé konhese ho naran Ujuh. Frederica sai membru husi AEMTL iha tinan 2021. Agora, nia mak Sekretária ida ba Konsellu Ekzekutivu husi AEMTL. Nia mos servisu hanesan Pesquisadora no Asistente Pesquisadora ho akademiku sira ba Universidade husi Royal Melbourne Institute of Technology (RMIT) husi tinan 2012 to’o agora. Iha nia servisu, Frederica mos apreseta lia ida-rua iha TLSA Konferénsia. Tuir nia esperiénsia, konesementu no komprensaun iha servisu ho komunidade internasionál, ne’e lori nia ba departamentu negósiu. Agora, Frederica mak Diretora no Jerente husi Arsa Rosa Felix Unipessoal LDA. Negósiu husi Frederica fokus liu ba emprega jovem Timor oan sira ne’ebé hakarak suporta-an ba sira nia estudu. Hanesan Empresária Foin-sa’e, nia hetan oportunidade husi UNDP atu reprezenta nia rain Timor-Leste, hanesan ko-autor ba livru “WE HAVE A DREAM”, ne’ebé lori ba nia negósiu. Liuliu, Frederica agora kompleta nia estudu hanesan estudante full-time, aprende Jestaun Negósiu, atu hadia nia habilidade iha negósiu, iha Universidade DIT.
Ana Borges Fátima
Vice Secretary
Ana Borges Fátima servisu hanesan Vice-Sekretária iha Associação Empresarial das Mulheres de Timor-Leste (AEMTL). Nia remata nia estudu iha Universidade Nasionál Timor-Lorosa’e (UNTL) ho graduasaun ba Kultura Agrikultura, espesiáliza iha Agro-Sosio Ekonomia. Antes de tama iha AEMTL, iha tinan 2015, Ana iha negósiu ki’ik iha plantasaun ba baunilha, cravinho no aimoruk iha Balibar, Dili. Tamba falta kapitál atu estende nia negósiu ki’ik, Ana decide atu servisu hodi hetan kapitál atu estende nia plantasaun. Ana hetan esperiénsia liu husi partisipa iha formasaun ne’ebé fornese husi Asosiasaun, no ikus mai iha tinan 2018, nia estabelese nia kompanhia rasik ho naran Misajoma Unipessoal Lda.