Sesta-feira, loron 11 fulan Julho 2025 | Palásiu Prezidensiál, Aitarak Laran, Dili
Lansamentu ofisiál Premiu Emprendedór Feto Timor-Leste 2025 husi Sua Excelénsia, Presidente RDTL, Dr. José Ramos-Horta.
International Finance Corporation (IFC) no Associação Empresarial das Mulheres de Timor-Leste (AEMTL), iha parcería ho Governu Austrália no Nova Zelândia, hetan onra atu sai uma-na’in ba Premiu Emprendedór Feto Timor-Leste 2025 ho patrosíniu husi Prezidente Repúblika Demokrátika Timor-Leste.
Premiu ida ne’e nia objetivu atu rekoñese feto sira ne’ebé hatudu exelénsia iha sira nia kareira, negósiu, no emprendimentu emprezariál sira, enkuantu sai hanesan modelu no inspira ema seluk.
Rekoñese no enkoraja esforsu sira husi líder setor públiku no privadu nian, no sosiedade sivíl sira ne’ebé kontribui ba promove igualdade jéneru, diversidade, governasaun di’ak, no inkluzaun finanseira.
Rekoñese inisiativa institusionál no individuál sira ne’ebé promove no integra diversidade no inkluzaun finanseira ba feto sira liu husi projetu, polítika no prátika inovativu sira.