Prémiu Emprendedor Feto Timor-Leste 2025

PRÉMIU EMPRENDEDOR FETO TIMOR-LESTE 2025

International Finance Corporation (IFC) no Associação Empresarial das Mulheres de Timor-Leste (AEMTL), iha parseria ho Governu Australia no Nova Zelândia, hetan onra atu sai uma-na’in ba Prémiu Emprendedor Feto Timor-Leste 2025 ho patrosíniu husi Prezidente Repúblika Demokrátika Timor-Leste.

Objetivu husi Prémiu:

• Rekoñese feto sira ne’ebé hatudu exelénsia iha sira nia kareira, negósiu, no emprendimentu emprezariál sira, enkuantu sai hanesan modelu no inspira ema seluk.
• Rekoñese no enkoraja esforsu sira husi líder setór públiku no privadu nian, no sosiedade sivíl sira ne’ebé kontribui ba promove igualdade jéneru, diversidade, governasaun di’ak, no inkluzaun finanseira.
• Rekoñese inisiativa institusionál no individuál sira ne’ebé promove no integra diversidade no inkluzaun finanseira ba feto sira liu husi projetu, polítika no prátika inovativu sira.

KATEGORIA PRÉMIU NO KRITERIA NOMEASAUN

INISITIVA BA EMPODERAMENTU EKONÓMIKU

1. Ezemplu Inisiativa Di’ak Liu ne’ebé Promove Inkluzaun Finanseira ba Feto Sira (Kompañia / Organizasaun / Inisiativa): Rekoñese inisiativa/programa ne’ebé ativamente promove inkluzaun finanseira ba feto sira.
2. Ezemplu Inisiativa Di’ak Liu ne’ebé Promove Kresimentu Negósiu Lidera husi Feto Sira (Kompañia / Organizasaun / Inisiativa): Rekoñese inisiativa ida ne’ebé apoia ativamente kresimentu no susesu negósiu sira ne’ebé lidera husi feto, partikularmente iha setór Empreza Mikro, Ki’ik, no Mediu (MSMEs iha Inglés). Atividade ne’ebé bele inklui esforsu sira iha kapasitasaun, ligasaun ba merkadu no negósiu nian, mentorizasaun, asisténsia finanseira, ka modelu apoiu estratéjiku seluk ne’ebé kontribui ba sustentabilidade no espansaun empreza ne’ebé feto sira mak lidera ou na’in.

NEGÓSIU LIDERA HUSI FETO (Dili)

3. Na’in ba Negósiu ne’ebé di’ak liu iha Tinan ida ne’e, lidera husi Feto sira – Negósiu estabelesidu (Individu): Rekoñese feto ne’ebé na’in no lidera sira nia negósiu ho susesu  durante periodu liu ona tinan 3 no hatudu exelênsia no lideransa ne’ebé di’ak.
4. Na’in ba Negósiu foin hahu  ne’ebé di’ak liu  iha Tinan ida ne’e , lidera husi Feto sira (Individu): Rekoñese feto ne’ebé lidera ho susesu ba negósiu foin hahu, ne’ebé hatudu inovasaun,  kresimentu no notável iha tinan 3 dahuluk operasaun nian.

NEGÓSIU LIDERA HUSI FETO (Munisipiu)

5. Na’in ba Negósiu ne’ebé di’ak liu iha Tinan ida ne’e, lidera husi Feto sira – Negósiu estabelesidu (Individu): Rekoñese feto ne’ebé na’in no lidera sira nia negósiu ho susesu  durante periodu liu ona tinan 3 no hatudu exelênsia no lideransa ne’ebé di’ak.
6. Na’in ba Negósiu foin hahu  ne’ebé di’ak liu  iha Tinan ida ne’e , lidera husi Feto sira (Individu): Rekoñese feto ne’ebé lidera ho susesu ba negósiu foin hahu, ne’ebé hatudu inovasaun,  kresimentu no notável iha tinan 3 dahuluk operasaun nian.

LIDER FETO

7. Líder Feto Korporativu Tinan ne’e nian (Individu): Fó onra ba ezekutivu feto ne’ebé hatudu abilidade lideransa no jestaun esepsionál iha nia knaar.
 8. Modelu Tinan ne’e nian (Individu): Selebra feto ne’ebé sai hanesan modelu kareira tinan nian ne’ebé inspira feto sira liu husi nia mentorizasaun, atinzimentu, no kontribuisaun ba iha komunidade.

FETO IHA SERVISU FINANSEIRU

9. Líder Feto Esepsional iha Setór Servisu Finanseiru (Individu): Rekoñese feto ne’ebé hatudu ona lideransa diak iha setór servisu finanseiru, no lori impaktu no mudansa signifikativu.
10.  Inovasaun Finanseira Di’ak Liu ne’ebé Foka ba Jéneru (Kompañia / Organizasaun / Inisiativa): Rekoñese solusaun ka produtu inovativu sira iha setór servisu finanseiru ne’ebé foka espesifikamente ba inkluzividade jéneru.

Ami konvida ita-boot sira hodi prienxe formuláriu iha kraik atu nomeia indivídu ka  Kompañia / Organizasaun / Inisiativa ba ‘Prémiu Emprendedor Feto Timor-Leste 2025’ ne’ebé sei hala’o entrega Prémiu iha Novembru 2025 iha Dili.

📅 Períodu Nomeasaun: 11 Jullu – 5 Setembru 2025

Rekizitus  ba Nomeasaun:

1. Bele hatama nomeasaun hodi nomeia ita-boot nia an rasik ka ema seluk (ka organizasaun) ne’ebe merese hetan Pémiu Emprendedor Feto ho kandidatu nia lisensa.
2. Kada formulariu nomeasaun bele uza hodi nomeia individu ka organizasaun. Karik atu halo nomeasaun barak, favor priense no hatama formulariu ketak-ketak.
3. Nomeadu sira (ema ne’ebé hetan nomeasaun) bele mai husi setór públiku, setór privadu, setór korporativu, asosiasaun, ka organizasaun non-governamentál.
4. Negósiu ka individu sira ne’ebé asosiadu ho organizasaun sira ne’ebé lokaliza iha Timor-Leste de’it mak bele aplika ba nomeasaun.
5. Nomeadu sira labele sai juri ka afiliadu ba juri iha Ekipa Komité Prémiu nian.
6. Nomeasaun sira nakloke ba indivídu sira husi nasionalidade hotu-hotu.
7. Nomeasaun sira tenke esplika ho klaru tamba saida maka kandidatu merese hetan prémiu ne’ebé hili. Presiza informasaun sufisiente ne’ebé demonstra susesu ka atinzimentu kandidatu individu no korporativu sira.
8. Manan-na’in sira tenke tuir Serimónia Entrega Prémiu nian iha Dili hodi simu sira-nia prémiu rasik.
9. Manan-na’in tinan kotuk nian la hetan lisensa hodi aplika fali ba prémiu ida-ne’e.

Karik kompleta formuláriu fíziku bele submete formuláriu ne’e ba eskritóriu AEMTL nian iha Acait 10, Av, 30 de Agosto, Vera-Cruz, Díli ka manda ba email wawardstl@ifc.org. Bele foti mos formulariu iha AEMTL nia edifisiu mensiona iha leten.